ԱՊՊԱ սակագներ

Բնութագիր

Բնութագիր

ԱՊԱՀՈՎԱԳՐՄԱՆ ԵՆԹԱԿԱ ՕԲՅԵԿՏՆԵՐ

ԱՊՊԱ-ն պարտադիր է հետևյալ ավտոտրանսպորտային միջոցների համար՝

մարդատար ավտոմոբիլներ,
ավտոբուսներ, միկրոավտոբուսներ
բեռնատարներ,
մոտոցիկլետներ,
քարշակներ,
տրոլեյբուսներ:

ՀԱՏՈՒՑՎՈՂ ՎՆԱՍՆԵՐ

Անձնական վնասներ՝ ավտովթարի հետևանքով տուժողի առողջությանը պատճառված վնասներ և դրանց հետևանքով կորցրած աշխատավարձ (եկամուտներ), տուժողի մահ,
Գույքին պատճառված վնասներ

ՀԱՏՈՒՑՄԱՆ ԱՌԱՎԵԼԱԳՈՒՅՆ ՉԱՓ

Անձնական վնասների դեպքում՝ 3.3 մլն ՀՀ դրամ մեկ պատահարով մեկ տուժողի համար, 33 մլն ՀՀ դրամ մեկ պատահարով բոլոր տուժողների համար,
Գույքային վնասների դեպքում՝ 1.8 մլն ՀՀ դրամ մեկ պատահարով մեկ տուժողի համար, 18 մլն ՀՀ դրամ մեկ պատահարով բոլոր տուժողների համար:

ԱՊԱՀՈՎԱԳՐՈՒԹՅԱՆ ԺԱՄԿԵՏ

ԱՊՊԱ պայմանագիր կնքվում է նվազագույնը 3 ամիս և առավելագույնը 1 տարի ժամկետով, (բացառությամբ «տարանցիկ փոխադրում» և«ժամանակավոր ներմուծում» մաքսային ռեժիմներով, ինչպես նաև ՀՀ տարածք վարելու միջոցով ներմուծվող ավտոտրանսպորտային միջոցների, որոնց վերաբերյալ ԱՊՊԱ պայմանագիրը կնքվում է նվազագույնը 10 օր ժամկետով):

«ՍԻԼ ԻՆՇՈՒՐԱՆՍ» ԱՓԲԸ մշակել է ԱՊՊԱ ապահովագրավճարների հաշվարկման նոր մոդել, որը կգործի 2025թ․–ի հունվարի 30-ից սկսած։

«ՍԻԼ ԻՆՇՈՒՐԱՆՍ» ԱՓԲԸ մոդելի հաշվարկման հիմքում ընկած են 8 ռիսկային գործոններ՝

Ապահովադրի տեսակ,
Ապահովադրի գրանցման մարզ,
ՏՄ Տարիքային խումբ,
ՏՄ տեսակ,
ՏՄ մակնիշ,
ՏՄ գրանցման վայր,
ՏՄ ձիաուժ
Գործունեության տեսակ։

Վերոնշյալ ռիսկային գործոնների հիման վրա ձևավորվել են ռիսկային խմբեր։ Հիմնական ապահովագրավճարը կազմում է 41,000 ՀՀ դրամ։ Բազային ապահովագրավճարները տատանվում են 29,000 – 102,500 ՀՀ դրամի սահմաններում։ Պայմանագրի ժամկետից կախված կիրառվում են ստորև նշված կարգավորիչ գործակիցները․

ԱՊՊԱ պայմանագրերի կարգավորիչ գործակիցները (կիրառվում են տարեկան ապահովագրավճարի նկատմամբ)
Ապահովագրության ժամկետ	Կարգավորիչ գործակիցը
11 ամսից մինչեւ 1 տարի	1
10 ամսից մինչեւ 11 ամիս ներառյալ	0.95
9 ամսից մինչեւ 10 ամիս ներառյալ	0.85
8 ամսից մինչեւ 9 ամիս ներառյալ	0.77
7 ամսից մինչեւ 8 ամիս ներառյալ	0.7
6 ամսից մինչեւ 7 ամիս ներառյալ	0.65
5 ամսից մինչեւ 6 ամիս ներառյալ	0.6
4 ամսից մինչեւ 5 ամիս ներառյալ	0.55
3 ամսից մինչեւ 4 ամիս ներառյալ	0.45
2 ամսից մինչեւ 3 ամիս ներառյալ	0.33
1 ամսից մինչեւ 2 ամիս ներառյալ	0.25
16 օրից մինչեւ 1 ամիս ներառյալ	0.2
11 օրից մինչեւ 15 օր ներառյալ	0.15
10 օր	0.1

Ձեր բունուս-մալուս ընթացիկ դասի մասին տեղեկատվությունը կարող եք առցանց եղանակով ստանալ ԱՊՊԱ առցանց հարցումներ բաժնի միջոցով:

Ընկերությունը տարաժամկետ վճարման հնարավորություն չի նախատեսում։

ԱՊՊԱ պայմանագիր կարող եք կնքել՝

Ընկերության գրասենյակում ՝ ՀՀ, ք. Երևան, Արամի 3 և 5
Ընկերության ինտերնետային կայքում
“ՀԱՅԷԿՈՆՈՄԲԱՆԿ” ԲԲԸ-ի ցանկացած մասնաճյուղում
դիմելով “ՍԻԼ ԻՆՇՈՒՐԱՆՍ” ԱՓԲԸ-ի գործակալներին: (գործակալի կանչ)

Ինչպես վարվել պատահարի դեպքում

ՎԵՐՋԻՆ ԹԱՐՄԱՑՈՒՄ` 22.01.2025 11:08