Ձեր բնակարանի ձեռքբերումը կարող է լինել ոչ միայն իրական, այլ նաև արագ և հաճելի գործընթաց։

Այժմ Դուք ունեք հնարավորություն գնելու բնակարան՝ վճարելով ընդամենը 10% կանխավճար, իսկ մյուս պահանջվող մասի չափով (առաջնային շուկայից ձեռք բերելու դեպքում՝ 10%, իսկ երկրորդայինից՝ 20%) ձեռք բերելու ԿԱՆԽԱՎՃԱՐԻ ԱՊԱՀՈՎԱԳՐՈՒԹՅՈՒՆ ՍԻԼ ԻՆՇՈՒՐԱՆՍ-ում:

Ենթադրենք ցանկանում եք ձեռք բերել 10 մլն. ՀՀ դրամ արժողությամբ բնակարան: Եթե նախկինում Ձեզ անհրաժեշտ կլիներ վճարել այդ գումարի 30%-ը՝ 3 մլն. ՀՀ դրամ, և ստանալ 70% հիփոթեքային վարկ, ապա այժմ, ունենալով ընդամենը 10% կանխավճար՝ 1 մլն. ՀՀ դրամ, կարող եք ստանալ հիփոթեքային վարկ ձեռք բերվող բնակարանի արժեքի 90%-ի չափով:

Ինչու՞ է կանխավճարի ապահովագրությունը շահավետ լուծում

Հաշվի առնելով «Եկամտային հարկի մասին» ՀՀ օրենքով սահմանված՝ հիփոթեքային վարկի տոկոսագումարների չափով եկամտային հարկի գումարների վերադարձի հնարավորությունը, կանխավճարի ապահովագրությունը դառնում է ֆինանսապես խելամիտ և շահավետ ընտրություն։

Ինչու՞ է այն օգտակար՝

• Եթե վճարում եք ընդամենը 10% կանխավճար, ապա կարող եք ստանալ մինչև 90% հիփոթեքային վարկ։
• Վարկի տոկոսները, օրենքի համաձայն և օրենքով սահմանված կարգով, վերադարձվում են Ձեզ եկամտային հարկի վերադարձի տեսքով։
• Արդյունքում, Դուք մարում եք միայն մայր գումարը, իսկ հավելյալ 20%-ով ավել վարկի մարումը փաստացի լրացուցիչ ծախսեր չի առաջացնում։

Լրացուցիչ առավելություն՝

Նույնիսկ այն դեպքում, երբ ունեք անհրաժեշտ ամբողջ կանխավճարի գումարը, կարող եք այն ներդնել որպես ավանդ որևէ առևտրային բանկում և ստանալ լրացուցիչ եկամուտ՝ ավանդի տոկոսների տեսքով։