Երբ Դուք պատրաստվում եք հերթական արկածին, նոր մշակույթների, անծանոթ քաղաքների և անսպասելի պահերի բացահայտմանը՝ հիշե՛ք, որ իսկական հանգստությունն սկսվում է անվտանգությունից։

Ճամպրուկում ամեն ինչ կարող է տեղ գտնել, բայց ամենակարևորը ճանապարհորդական ապահովագրությունն է, որը հոգ է տանում Ձեզ համար այնտեղ, որտեղ ամեն ինչ անծանոթ է։

Ճանապարհորդական ապահովագրության պայմանագրով փոխհատուցվում են ուղևորության ընթացքում հանկարծակի հիվանդության կամ դժբախտ պատահարի հետևանքով առաջացած բժշկական և հարակից ծառայությունների ծախսերը։

Ճանապարհորդիր երազանքների հետևից՝ գիտակցելով, որ անսպասելի հանգամանքները չեն խանգարի քո ազատությանը։

Ուղևորության համար կարող եք ընտրել Ստանդարտ կամ Հատուկ ծրագրերից որևէ մեկը։

Ստանդարտ ծրագիր

Ծրագիրն ընդգրկում է դժբախտ պատահարի, հանկարծակի հիվանդության կամ մահվան դեպքում առաջացած հետևյալ ծախսերի հատուցումը՝

• Բժշկական ծախսեր
• Բուժտրանսպորտային ծառայություն
• Հետմահու հայրենադարձության հետ կապված ծախսեր

Ապահովագրությունը թույլ է տալիս հատուցել մինչև 30.000 Եվրոյի բժշկական ծախսեր։

Ստանդարտ ծրագրով կարող եք ընտրել ապահովագրության տարածքը՝ ըստ Ձեր մեկնման ուղղության և նախընտրելի օրերի քանակի։

Հատուկ ծրագիր

Եթե հաճախ եք ճանապարհորդում տարվա ընթացքում, այդ դեպքում ժամանակն է ընտրել Հատուկ ծրագիրը, որը նախատեսված է բազմակի ուղևորությունների համար։ Հատուկ ծրագիրը ներառում է Ստանդարտ ծրագրով տրամադրվող բոլոր պայմանները և ապահովագրության տարածքն ընդգրկում է ամբողջ աշխարհը 🌍։

Պայմանագիրը կնքվում է մեկ տարի ժամկետով։ Ձեր ընտրությամբ սահմանվում է ապահովագրական օրերի առավելագույն քանակ` ընդհուպ մինչև 90 օր մեկ տարվա ընթացքում ազատ ճանապարհորդելու հնարավորությամբ։

Այս տարբերակը խնայում է Ձեր ժամանակը և ապահովում անընդմեջ պաշտպանություն յուրաքանչյուր ճամփորդության ընթացքում։

Պայմանագրի արժեքը կարող եք հաշվարկել այստեղ։